60 differents expositurs han envidà quest onn a l'Expo Poschiavo, quai che signifitga in record.
Cumenzà ha tut avant 57 onns en ina chasa privata cura che il Puschavin Andrea Compagnoni ha exponì sias ovras d'artisanat l'emprima giada. Oz exista sia idea anc adina ed è in eveniment indispensabel per la Val Poschiavo.
Mussar ed intimar è impurtant
Andrea Compagnoni, l’iniziant da l’istorgia da success, è dapi l’onn 1944 seller. Mintga di lavura el en sia ufficina ed era durant l’Expo Valposchiavo è l'um da 87 onns preschent cun sia lavur sin plaz. Andrea Compagnoni vul, che blers vesan ses mastergn da seller e survegnan uschè forsa plaschair d'emprender sez il mastergn.
Tenor Andrea Compagnoni è la Expo Valposchiavo anc oz ina gronda schanza per l’entira val. Ella è lieu d'inscunter, discussiun e tradiziun.