Exposiziun - L'ardöffel ni il truffel ni la biodiversitad linguistica

1 / 5

Legenda: Silvana Derungs ha mess ensemen l'exposiziun "A la fin vegn zuoZ". RTR, Riccarda Müller

2 / 5

Legenda: Texts, purtrets ed objects fan part da l'exposiziun. RTR, Riccarda Müller

3 / 5

Legenda: Il surnum dals zuozinghers è ina giada stà «ils coatschens». RTR, Riccarda Müller

4 / 5

Legenda: ...e co schais vus a questa part dal paun? RTR, Riccarda Müller

5 / 5

Legenda: La parada dals tartuffels cuschinads e las atgnadads communalas. RTR, Riccarda Müller

A la FIN vegn zuoZ. Uschia sa numna ina exposiziun en la Chesa Planta a Zuoz, messa ensemen da Silvana Derungs dal Dicziunari Rumantsch Grischun.

Per quest'exposiziun hai jau fatsch quai ch'jau fatsch il pli gugent: sfegliar il DRG.

Uschia è la stanzetta tipica d'ina chasa engiadinaisa s'emplenida cun expressiuns or dal mintgadi. I vegn declerà pertge ch'ils zuozinghers èn pli baud era stads ils coatschens ni pertge ch'ils sursilvans baivan gervosa entant ch'ils engiadinais fan viva cun biera.

audio

A la FIN vegn zuoZ - ina invista a l'exposiziun cun Silvana Derungs

04:14 min, ord Actualitad dals 03.08.2019. Maletg: RTR, Riccarda Müller

laschar ir. Durada: 4 minutas 14 Secundas.

In chantun tutga als ardöffels, ils truffels. Per la biodiversitad linguistica, declera Silvana Derungs cun in surier.

Jau hai emprendì ch'ils tartuffels sumeglian als umans: els han egls, in chau, in tgil e per part era in tschupè enturn il chau.

L'exposiziun duai animar da tutgar ils objects, sfegliar ils cudeschs e far patratgs. Da vesair è ella en la Chesa Planta a Zuoz durant la festa da 100 onns Lia Rumantscha.

RR actualitad 16:00