L’erupziun dal vulcan Tambora en l’Indonesia avant passa 200 onns è stada dapi quai ch’ins po sa regurdar la pli grond’erupziun en l’istorgia. Da quai da 120’000 persunas vegnan per la vita, immediat ubain entaifer curt temp. Suenter in explosiun ch’era milli e milli giadas pli ferma ch'ina bumba atomica, stgirenta la tschendra dal vulcan numnadamain il tschiel sin terra. I segua en divers lieus ina catastrofa umanitara, cun in onn senza stad, blera naiv e quasi nagina racolta. Uschia er en l’Engiadina.
Passa dus onns èn scolaras e scolars da l’Academia Engiadina s’occupads da questa tematica. Quai cun far retschertgas detagliadas, metter tut en scrit e crear in’exposiziun.
In temp fitg intensiv cun bleras scuvertas, che na mussan betg mo la miseria da quella giada, mabain illustreschan parallelas fin al temp dad oz.