La vischnanca da Puntraschigna è daventada commembra da la societad NEXPO e pudess uschia participar a l’exposiziun naziunala l’onn 2027. En connex da la conferenza da presidents da la regiun Malögia ha Nora Saratz Cazin, la presidenta communala da Puntraschigna, proponì da represchentar l'entira regiun Malögia a l’exposiziun. La conferenza da presidents sustegna quella proposta ed è interessada vid ina collavuraziun da las vischnancas.
Il project NEXPO è vegnì lantschà da las diesch citads pli grondas en Svizra e duai realisar in’exposiziun da differents projects persistents en l'entira Svizra.