Extender l’En – la regenza dat daners

Il project per revitalisar l'En a Bever ed a La Punt-Chamues-ch po vegnir realisà. La regenza grischuna conceda ina contribuziun da maximalmain 1,8 milliuns francs, quai però cun intginas cundiziuns. In'ulteriura premissa è che la Confederaziun sustegna era il project.

La cuntrada tranter Bever e La Punt-Chamues-ch Bild in Lightbox öffnen.

Legenda da maletgs: La cuntrada tranter Bever e La Punt-Chamues-ch survegn ina nova fatscha. MAD

Las mesiras ch’èn necessarias per administrar la gera e segirar il letg dal flum stoppian dentant anc vegnir concretisadas ed approvadas, scriva la chanzlia chantunala.

Ina nova regiun umida

Il project prevesa d’extender l'En chanalisà sin ina lunghezza da circa 1,7 kilometers. Per quest intent è previs da spustar il rempar da la riva dretga per circa 70 meters vers la terra. Quai lubescha da schlargiar il letg dal flum da 20 a fin a 90 meters. Uschia survegn il curs da l'aua dapli dinamica, quai che promova il svilup da biotops.

A fin l'onn 2019

Las lavurs cumenzan l'auter onn, ed ils responsabels quintan cun in temp da construcziun da 3 onns.

RR novitads 09:00