Siglir tar il cuntegn

Header

video
Bab Dumeng e figl Gian Giovanoli – e lur cudesch da cuschinar
Or da Telesguard dals 07.12.2021.
laschar ir. Durada: 4 minutas 24 Secundas.
cuntegn

Famiglia Giovanoli «Bap e figl» – in auter cudesch da cuschinar

Il bab Dumeng Giovanoli, enconuschent oravant tut sco skiunz. Il figl Gian Giovanoli, enconuschent sco fotograf. Ensemen èn els dentant era cuschinunzs da professiun ed ussa anc auturs.

A Dumeng e Gian Giovanoli collian bleras passiuns. Oravant tut dentant ina, il cuschinar. Tuts duas han numnadamain emprais il mastergn da cuschinunz. Ed uss èn els era auturs da lur emprim cudesch da cuschinar. In cudesch in zic pli spezial.

Per ina n’è il cudesch betg mo in solit cudesch da recepts cun creaziuns culinaricas, mabain in’invista persunala en la vita da la famiglia Giovanoli. E plinavant han ils dus auturs creà tut il cudesch sez, da l’entschatta a la fin.

audio
Ils Giovanolis, Dumeng ed il figl Gian, e lur cudesch da cuschinar
ord Actualitad dals 07.12.2021.
laschar ir. Durada: 3 minutas 2 Secundas.

Cumenzà ha tut il project avant radund dus onns. Quai a chaschun dal giubileum da 100 onns da la Pensiun Privata, l’hotel da la famiglia Giovanoli. Prevesì era atgnamain in cudeschet cun recepts da la famiglia per regalar als giasts fidaivels. Dapi alura è il cudesch creschì da cuntin, e cumpiglia ussa pli che 150 recepts cun istorgias persunalas ord la vita da la famiglia Giovanoli.

RTR Telesguard 17:40

Artitgels legids il pli savens

Scrollar a sanestra Scrollar a dretga