Ils ierts en Engiadin’Ota èn anc cuvernads cun mantunadas da naiv. Vid il far iert na pensa perquai anc quasi nagin. Auter è quai tar Ladina Kobler Giovanoli da Segl. L’anteriura hoteliera ha cumenzà quest onn pli baud che auters onns a zerclar. Numnadamain ha ella chattà in flatgin sitg dasper chasa nua che las emprimas flurs creschan gia.
En quests temps cun corona ston ins far insatge che fa gust. Per mai èn quai mias flurs e perquai hai jau gia cumenzà a zerclar enturn chasa.
Iert sto anc spetgar
L’iert grond da la Segliotta stoppia però anc spetgar. Ladina Kobler Giovanoli na spalescha numnadamain betg or la naiv. Tenor ella stoppian ins laschar lavurar la natira e simplamain avair pazienza enfin che la naiv è davent e las flurs pon crescher.