Il museum engiadinais a San Murezzan vegn sanà durant ils proxims stgars 2 onns per 6 milliuns francs. Avant che las lavurs d’isolaziun e renovaziun cumenzan en la chasa situada sin la costa entamez San Murezzan, ha tut la rauba da vegnir transportada en in deposit.
Il fundatur dal museum engiadinais, Riet Campell, aveva sa spezialisà sin entiras stivas veglias da lain e ramassà pliras da quellas.
Uschia n’èn ils objects che han da far midada per almain 22 mais era betg uschè simpels da transportar. Plinavant vegn mintga toc che banduna la chasa fabritgada dal 1906 anc registrà ed inventarisà. Cun questa lavur han las collavuraturas gia cumenzà avant passa 2 onns.
Durant la fabrica è tut la rauba en ils 2 novs deposits dal museum a Puntraschigna ed a San Murezzan.
L’avertura dal museum engiadinais cun ina nova inscenaziun è previsa il december 2016.
1 / 7
Legenda:
La chasa dal museum engiadinais.
RTR, A. Caprez
2 / 7
Legenda:
In placat che mussa ch'il museum engiadinais vegn renovà.
RTR, A. Caprez
3 / 7
Legenda:
In isch vegl.
RTR, A. Caprez
4 / 7
Legenda:
Armas veglias.
RTR, A. Caprez
5 / 7
Legenda:
In chamutsch stuppà ora.
RTR, A. Caprez
6 / 7
Legenda:
Inscripziun veglia.
RTR, A. Caprez
7 / 7
Legenda:
Vestgids vegls e tradiziunals.
RTR, A. Caprez
