Il tema saja per entant evas, ha ditg Martin Stupan, il schef da pista dal Maraton da skis engiadinais, sin dumonda. La naiv ch'è crudada la fin d’emna haja salvà la situaziun. Actualmain èn tut las loipas dal traject tranter Maloja e S-chanf avertas.
Era quellas parts ch'eran avant gnanc in’emna anc praticamain senza naiv sco il lai da Silvaplauna ni la pista atras il guaud da Staz sa preschentan ussa tut en alv.
Las temperaturas èn però plitost autas il mument.