Siglir tar il cuntegn

Header

video
L'Engiadin'Ota sto reorganisar il turissem
Or da Telesguard dals 13.01.2016.
laschar ir
cuntegn

Engiadina «Fat tut gist u tut per il giat»

La reorganisaziun da l’organisaziun da turissem «Engadin St.Moritz» va en la fasa finala e decisiva. Mardi saira ha gì lieu in’infurmaziun publica davart la nova structura che vegn ad esser la Engadin St.Moritz Tourismus AG. Ina societad d’aczias purtada da las 12 vischnancas da la regiun Malögia.

Sco proxim duain avair lieu las singulas votaziuns en mintga vischnanca, quai fin il pli tard fin la fin da zercladur.

Segl vegn a far il cumenzament la fin da favrer, da mars segua Silvaplauna, pli tard las ulteriuras vischnancas.

Finamira è che la societad d’aczias è furmada quest atun.

A partir dals 1.1.2018 è ella la nova organisaziun da turissem da l ‘Engiadin’Ota. In’organisaziun cun in preventiv da radund 10.1 milliuns francs per il marketing. Quai èn 1.8 milliuns francs pli pauc che la destinaziun Engadin St.Moritz ha al mument.

Repartiziun dals custs

Samedan è dentar las vischnancas che ston cun la nova structura pajar dapli. Radund 300'000 francs l'onn dapli. Quai per ina vischnanca che ha schon da cumbatter cun las finanzas.

A la saira d’infurmaziun hai dà naginas discussiuns. Mo ina singula dumonda dals radund 200 fin 250 preschents è vegnida fatga als presidents communals. Per Sigi Asprion vul quai dir che han u bain fat tut gist ni tut per il giat – quai vegnian las votaziuns a mussar.

Artitgels legids il pli savens

Scrollar a sanestra Scrollar a dretga