Fermativa autos da posta a Scuol sto vegnir megliurada

La fermativa d’autos da posta avant la posta nova a Scuol sto vegnir midada. Avant radund in mez onn è quella fermativa vegnida en funcziun. Las emprimas experientschas han dentant demussà che quella na cuntenta betg.

Laschar ir video «La staziun da posta a Scuol sto vegnir midada - i manca il plaz»

La staziun da posta a Scuol sto vegnir midada - i manca il plaz

2:35 min, Telesguard dals 11.3.2015

La fermativa è relativamain stretga, quai per ils peduns sco era per il traffic d’autos sin il stradun. Plinavant saja grev per ils manischunzs d’avair la survista.

Ussa vegnan preschentadas differentas variantas per schliar quest problem. Ils custs pon esser tranter 50’000 fin in mez milliuns francs. Er tgi che surpiglia quests custs n’è anc betg cler. Ils custs duessan vegnir repartids tranter l’auto da posta Grischun, il chantun e la vischnanca da Scuol.