Dapi passa 20 onns festiveschan surtut giasts da l’Italia ina da las festas impurtantas da la Baselgia catolica: Nossadunna aut sin las muntognas. Sper la messa è er il s'inscuntrar mintg’onn puspè il punct impurtant da quel di.
Magnet Huonder
La messa sut tschiel avert en lingua tudestga e taliana da l'uvestg Vitus Huonder ha attratg quest onn er numerusas persunas indigenas. Normalmain è la messa da Nossadunna d’avust si Marguns surtut ina referenza per ils Milanais.
Don Peppino
Inizià la festa en favur da Nossadunna, aveva Don Peppino Arosio barmier avant passa 25 onns a Zuoz. Cun ina messa e suenter in gentar al buffet aveva il prer attratg fin 800 persunas a la festa da «Ferragosto».
Midament al timun
Suenter dus onns aveva il spiritual da Schlarigna dischlocà las festivitads sin 2’278 meters sur mar, gist sper la staziun da muntogna da Marguns che sa chatta en il territori da skis sur Schlarigna. Suenter la mort da Don Peppino è l’organisaziun sa midada ed er il dumber da Talians sin la muntogna.
La messa daventa secundara
Tuttina vegnan anc adina bun 250 persunas sin la muntogna per visitar la messa manada da trais prers. La prioritad ha tar blers dentant il fatg ch’ins s’inscuntra mintg’onn puspè durant las vacanzas da stad en l'Engiadina cun amis ed enconuschents. Preschenta a la messa che ha lieu sut tschiel avert, ina giada en talian e tudestgs ed ina sulettamain en talian, è surtut anc la generaziun pli veglia.
RR actualitad 11:00
