Siglir tar il cuntegn

Header

cuntegn

Engiadina Festa da giubileum «90 onns Tessanda Val Müstair»

La «Manufactura Tessanda Val Müstair» festivescha giubileum. Giasts d’onurs èn stads cusseglier federal Ignazio Cassis e cusseglier guvernativ dal Grischun Christian Rathgeb.

Dapi 90 onns exista la «Manufactura Tessanda Val Müstair». Quai che ha cumenzà avant 90 onns per garantir a las puras da la val in'entrada segira per surviver, è creschì ad in bain cultural en Val Müstair. Numerusas tessunzas ed anc trais tessunzs han emprendì qua la lavur dal taisser. Ina lavur che va adina dapli en emblidanza.

Festa da giubileum cun giast d’onur

Per la festa da giubileum ha il cussegl da fundaziun da la Tessanda envidà in giast fitg popular. La Tessanda ha envidà cusseglier federal Ignazio Cassis. Il magistrat ha empermess da vulair esser in cusseglier federal per tut la populaziun e per tut las regiuns en Svizra ed uschia ha Cassis dà suatientscha a l’invitaziun da la Val Müstair.

audio
Bunura: Festa da giubileum «90 onns Manufactura Tessanda» Val Müstair
ord Actualitad dals 09.07.2018.
laschar ir. Durada: 3 minutas 57 Secundas.

Visita da la Tessanda ed inscunter cun la populaziun

Cusseglier federal Ignazio Cassis ha suttastritgà l’impurtanza e la tradiziun vivida da las tessunzas. Grazia a sia visita e participaziun a la festa da giubileum da 90 onns vegn la Manufactura ussa forsa percepida era sur ils cunfins da la Val Müstair ora. Ignazio Cassis en tutta cas sa regorda uss er en futur a la Manufactura. En memoria a sia visita en Val Müstair ha Cassis survegnì l'emprim exemplar d'ina seria limitada da 90 tocs da sientaders da vaschella.

RR actualitad 07:00

Artitgels legids il pli savens