Siglir tar il cuntegn

Header

cuntegn

Festa da las festas Ballenberg Festa da la racolta, Castagnata e Fête des Moissons en in lieu

Il museum en il liber Ballenberg ha envidà l’emprima giada ad in inscunter da generaziuns. Durant duas fins d’emna (24 / 25 da settember e 1. / 2 d’october 2022) ha lieu in festival da las tradiziuns d’atun en Svizra.

audio
24-09-2022: Impressiuns da David Spinnler
ord Actualitad dals 24.09.2022.
laschar ir. Durada: 7 minutas 1 Secunda.

Da la partida èn per il Grischun surtut las valladas dal sid cun la Val Müstair, la Val Bregaglia, la Valposchiavo e la Mesolcina. Per pudair preschentar lur products tipics, lur tradiziuns ed auter dapli hai vulì ina detga organisaziun, di David Spinnler ch'è involvì en l’organisaziun dals Jauers per viagiar a l’eveniment en il chantun Berna.

Fatgs e cifras da la festa da las festas

Avrir la box Serrar la box

La «Festa da las festas» porscha in inscunter cun tradiziuns da l’atun or da tut las parts da la Svizra e da tut las regiuns linguisticas. Mussà vegn la vasta purschida culinarica e culturala sin l’areal ed en ils bajetgs dal museum da Ballenberg.

La Svizra rumantscha vegn represchentada da la Val Müstair cun la festa da la racolta. Per la part taliana èn sper ils Tessinais er las trais valladas grischunas Bregaglia, Poschiavo e Mesolcina preschentas.

La festa en cifras

  • 66 hectaras
  • 15 festas
  • 4 linguas
  • Passa 50 stans da fiera e shops
  • 10 palcs da saut
  • Passa 200 animals
  • 1 plazza da festa cun kino al liber

Durant las duas emnas datti differentas concurrenzas (surtut las fins d’emna), sco bittar il crap dad Unspunnen, parcours ed ina concurrenza da 32 vatgas per la curuna da la regina svizra.

La pli gronda sfida è da coordinar ed organisar il transport da tut nossa rauba a Ballenberg, e da chattar in alloschi per las radund 100 persunas da la Val Müstair durant quella festa.
Autur: David Spinnler directur Biosfera Val Müstair

Chastognas cun groma empè da popcorn

Mintgina da las quatter valladas grischunas porscha durant la «Festa da las festas» buntads culinaricas. La Val Bregaglia è tranter auter preschenta cun total 1’000 chastognas che vegnan servidas cun groma durant la represchentaziun da kino a Ballenberg.

Il tratg tipic da la Val Poschiavo «Pizzoccheri» datti da sagiar tar ils Puschlavins durant las proximas duas emnas. Ed ils da la Val Müstair vegnan a vender burgers en la copia originala da l’Alp Champatsch a Ballenberg.

audio
23-09-2022: Da las ultimas preparativas per la festa da las festas
ord Actualitad dals 23.09.2022.
laschar ir. Durada: 3 minutas 13 Secundas.

Tradiziuns e manufacturas

Per mussar dapli da las tradiziuns localas viagia in’entira delegaziun da Jauras e Jauers en il chantun Berna. En tut ina 100ina da persunas – tranter auter persunas da l’uniun da musica, da la Tessanda Val Müstair u er 30 scolaras e scolars da la 5 e 6avla classa che vegnan a chantar chanzuns durant l’eveniment.

Or da l'archiv

video
Festa da racolta en Val Müstair
Or da Telesguard dals 05.10.2015.
laschar ir. Durada: 2 minutas 54 Secundas.

RTR actualitad 12:00

Artitgels legids il pli savens

Scrollar a sanestra Scrollar a dretga