Siglir tar il cuntegn

Festa da vischnanca a Samedan S'inscuntrar e festivar l'amicizia

Mintg’onn sa radunan la populaziun da Samedan e da las vischnancas cunfinantas la saira avant il prim d’avust en il center dal vitg. Vegls amis ed amias s’allegran da pudair sa vesair e baterlar cun temp fin la damaun.

Termin fix en l’agenda

La festa porscha sper differents stans cun martganzia era bars e mangiativas, nua che la glieud po consumar. E precis là, en il center da Samedan sin la via serrada, aud'ins il rir e las discussiuns dals visitaders e las visitadras. I vegn fatg viva. Per la blera glieud, giuven e vegl è quest di in termin fix en il chalender.

Impressiuns da la festa da vischnanca

La festa è qua per vesair puspè amis ed amias ch'ins n'ha betg vesì u discurrì dapi in onn. Quai è bel.
Autur: In visitader da la festa da vischnanca a Samedan

Star da cumpagnia e far festa fin baud la damaun u tard la saira

Era bleras societads èn da la partida, sco il club da hockey Samedan, che ha davos la baselgia sco usit ina bar, e la societad da gimnastica, che serva spiduns da charn en sia tenda sin la plazza davant la baselgia. La festa po ir per tscherts visitaders e tschertas visitadras in lung temp.

Star da cumpagnia ed ir tard a chasa. Nus faschain festa fin la saira tard u la damaun baud.
Autur: Ina visitadra da la festa da vischnanca a Samedan

Quai era perquai che la maioritad da la glieud ha liber il prim d’avust, ed ha uschia er temp da far festa.

RTR actualitad 17:00

Artitgels legids il pli savens