Siglir tar il cuntegn

Header

video
Intervista cun Aloe Blacc
Or da Actualitad dals 13.07.2019.
laschar ir. Durada: 3 minutas 29 Secundas.
cuntegn

Festival da Jazz Aloe Blacc – chantadur e cumponist passiunà

En occasiun d’in concert per il Festival da Jazz 2019 ha il chantadur e songwriter american dà ina curta intervista ed ha ludà tut quai ch’el ha vis durant ses curt segiurn en Engiadina. Cumenzà tar las bellezzas da la natira, sur l’abilitad dals indigens da prevesair tge che l’aura fa, fin tar la perfecziun svizra. Aloe Blacc porta perquai er in’ura svizra.

audio
Bunura: San Murezzan – Aloe Blacc al festival da jazz
ord Actualitad dals 13.07.2019.
laschar ir. Durada: 3 minutas 21 Secundas.

Stretg, fitg stretg....

Insolit è la localitad dal concert per Aloe Blacc. Quel ha numnadamain lieu en il Dracula Club a San Murezzan che porscha plaz per maximalmain 130 persunas. Per il musicist da 40 onns, ina nova situaziun, nua ch’el ha dad interagir anc pli fitg cun il public. Quai saja dentant er d’avantatg: Nagin po scappar!

Um nair cun chapè guarda sin lai
Legenda: Il chantadur american è stà fascinà da la colur dal Laj da San Murezzan. RTR, Anna Caprez

I’ll be back

Cunquai che l’artist è be per paucs dis en Europa n'èn sia dunna cun ils dus uffants e la sira betg vegnids cun el sin turnea. Ch’el veglia dentant turnar bain spert puspè ina giada en Engiadina, uschia Aloe Blacc tut fascinà.

RR actualitad 06:00

Artitgels legids il pli savens