Gianna Nannini, la chantadura da rock taliana ha intgantà las var 1'200 visitadras e visitaders dal concert sut tschiel avert, en il rom dal Festival da Jazz San Murezzan. Cun ses 68 onns è l’icona che viva en Engalterra savì fascinar il public cun chanzuns novas, ma surtut cun pli veglias, nua che la glieud las collia cun atgnas istorgias dal passà.
Anfang Bildergalerie
Bildergalerie überspringen
-
Bild 1 von 4. Gianna Nannin curt avant il concert tut relassada. Bildquelle: RTR, Daniel Berther.
-
Bild 2 von 4. La tribuna per il concert da Gianna Nannini en il Kulm Parc a San Murezzan. Bildquelle: RTR, Anna Caprez.
-
Bild 3 von 4. ... cun ina artista taliana che ha savì fascinar il public. Bildquelle: RTR, Anna Caprez.
-
Bild 4 von 4. Concert vendì ora cun radund 1'200 persunas. Bildquelle: RTR, Anna Caprez.
Ende der Bildergalerie
Zurück zum Anfang der Bildergalerie.
In concert en famiglia
Gianna Nannini è colliada cun l’Engiadina e surtut cun San Murezzan dapi ch’ella ha set onns. Ella ha passentà dapi lura adina puspè sias vacanzas en la val, haja bleras amicizias e sa sentia quasi da chasa, sco part d’ina famiglia.
Las muntognas ma plaschan fitg, ellas ma dattan energia. Quella dovr jau sin tribuna durant mes concerts.