Siglir tar il cuntegn

Header

audio
Bilantsch dal Festival da Jazz San Murezzan
Or da Actualitad dals 01.08.2022.
laschar ir. Durada: 3 minutas 23 Secundas.
cuntegn

Festival da Jazz San Murezzan Protagonista principala è stada l'aura

60 concerts durant trais emnas han attratg en tut 20'000 visitadras e visitaders al 15. Festival da Jazz San Murezzan. Sper enconuschents nums or dal mund da la musica da jazz, ha er quest onn gì cun Gianna Nannini in'artista taliana la funcziun da magnet, surtut per giasts da l’Italia vischinanta.

Pussibel è che nus avain er proxim onn in artist che na tutga betg directamain tar la musica da jazz, dentant vulain nus sa focussar en emprima lingia sin noss concept oriund: pitschen e fin.
Autur: Rebecca Bretscher producenta Festival da Jazz San Murezzan

Suenter dus onns pandemia cun restricziuns e novas localitads sut tschiel avert, sco per exempel il Kulm Parc, han ils organisaturs puspè pudì turnar cun ils concerts en il Dracula Club a San Murezzan. Bunamain la mesadad dals protagonists dal program da quest onn èn dunnas, ina finamira che duai restar er per ils proxims onns, uschia la producenta Rebecca Bretscher. Ella tira ina buna bilantscha per l’ediziun 15 dal festival.

Grazia a sponsurs avain nus passentà fitg bain ils ultims dus onns da corona. Dapli quitads fa a nus uss la situaziun actuala cun sguard en in avegnir pli intschert.
Autur: Rebecca Bretscher producenta Festival da Jazz San Murezzan
Ina dunna avant bandieras da Festival da Jazz.
Legenda: Rebecca Bretscher, la producenta dal Festival da Jazz San Murezzan. RTR, Elias Tsoutsaios

RTR actualitad 17:00

Artitgels legids il pli savens

Scrollar a sanestra Scrollar a dretga