Siglir tar il cuntegn

Header

Navigaziun

Legenda: Guardar il video Festival cun installaziun musicala per Maximilian I a Vestmezza. Durada 01:55 minutas.
Or da RTR Social dals 28.06.2019.
cuntegn

Festival da teater cun musica Installaziun musicala en onur dal retg Maximilian I

Avant tschientaners era Vestmezza in lieu da cumbats e dispitas – oz è quai in lieu d’inscunter tranter ils Svizzers ed ils Austriacs.

En onur da la mort dal retg Maximilian I vegn organisà en tut l’Austria festivals, tranter auter era al cunfin tranter la Svizra e l’Austria.

«Altfinstermünz»

Tar Altfinstermünz, sin rumantsch Vestmezza sa tracti dad in lieu ch'era da grond’impurtanza, qua sa cruschavan impurtantas vias da martganzia. Dapi l’onn 1300 era quella fortezza ina sort dazi. Era il retg Maximilian I aveva interess da quest lieu strategic impurtant.

Installaziun musicala da Daniel Ott

En regurdanza dals cumbats e da las dispitas ma era da la pasch, ha il cumponist Svizzer Daniel Ott, cumponì in'installaziun musicala. Musicas e cors dals vitgs al cunfin sco Ramosch, Tschlin, ma era Danuder en Austria han inscenà cuminaivlamain las suffrientschas da quest temp ma era la pasch. Radund 250 persunas piglian part, sco musicants, chantadurs ed acturs.

Oz è Altfinstermünz in’attracziun turistica e la fortezza renovada in relict d’in temp ditg passà.

RR actualitad 12:00