Siglir tar il cuntegn
Inhalt

Engiadina Fieu sin palantschin chaschuna grond donn a Müstair

La notg sin venderdi hai ars en ina chasa da pliras famiglias a Müstair.

La chasa che arda
Legenda: Fieu en il palantschin dad ina chasa a Müstair. Ils pumpiers han spert pudì stizzar il fieu en il palantschin da questa chasa a Müstair. Pocha

En il palantschin dad ina chasa cun pliras abitaziuns a Müstair hai ars la notg sin venderdi. La Polizia chantunala ha communitgà che il fieu è vegnì annunzià a la centrala d'alarm vers las 4 la bunura. Ils pumpiers da la Val Müstair han cumbattì il fieu cun radund 30 persunas. Il fieu en il palantschin era spert stizzà.

En la chasa da pliras famiglias hai dentant dà donns da plirs 10'000 francs pervia dal fieu e pervia dal fim. Persunas n'èn betg vegnidas blessadas. Sco motiv dal fieu suppona la Polizia chantunala il mument in brischament en il chamin.

RR novitads 11:00