Siglir tar il cuntegn

Header

audio
Film «Hotel Sinestra» vegn fatg a Sent – cun uffants indigens
Or da Actualitad dals 15.02.2022.
laschar ir. Durada: 2 minutas 58 Secundas.
cuntegn

Film «Hotel Sinestra» Ils uffants stattan en il center dal film

Zodiac Pictures, ils producents da Heidi, «Di chli Häx» u era Papa Moll, realiseschan il film en Engiadina Bassa, ensemen cun ina firma ollandaisa. Tar quest film dastgan giugar era uffants indigens.

Il scenari dal film: Ava, la matta dad 11 onns va en vacanzas en l'Hotel Sinestra. Ils geniturs van sin il gnerv ed ella sa giavischa vacanzas senza els. Ussa dastga ella, ensemen cun auters uffants da l'hotel, avair la libertad ed in hotel per els. Ma bain spert mancan ils geniturs ed els van en tschertga.

En il center stat l’hotel istoric en Val Sinestra, ma era la culissa da differentas vischnancas sco Sent, Scuol, Ftan ed Ardez.

Uffants indigens

En il film sa tracti oravant tut dad uffants, perquai èn sa participads era uffants da l’Engiadina Bassa. Els giogan las rollas dals uffants da giasts ch’èn en vacanzas en l’hotel. Giuvnas acturas ed acturs cumpletteschan la gruppa d’acturs.

Zodiac Pictures producescha quest film durant ils mais schaner enfin mars. Il film da famiglia vegn mussà per l'emprima giada il december da quest’onn.

RTR actualitad 11:45;

Artitgels legids il pli savens

Scrollar a sanestra Scrollar a dretga