La vischnanca aveva decidì da betg prolungar il permiss da fabrica per il project dad in hotel cun 200 letgs e radund 50 abitaziuns secundaras. La vischnanca aveva era decidì da valitar la fabrica sco betg cumenzada. Cunter questa decisiun na fa Cerea betg recurs, quai ha confermà l’advocat da Cerea Fabrizio Visinoni a Radiotelevisiun Svizra Rumantscha RTR.
Perquai èsi ussa definitiv ch'il project d’hotel e d'abitaziuns secundaras na vegn betg realisà sin l’areal da l'anteriur hotel Engadinerhof.
Futur intschert
Tge che capita ussa cun quest areal n’è betg cler. Las pendicularas Motta Naluns restan possessuras da l’areal e ston ussa tschertgar novs investiders. Cler è dentant ch'in nov project cun abitaziuns secundaras n’è betg pli pussaivel a Scuol.
RR novitads 12:00