Diego Schwarzenbach è il president da «Cinefilm». Sustegn survegn el dal manader dal Cine Scala, Gianni Bibbia, da la suprastanta communala da San Murezzan Regula Degiacomi, da Peter Hasler, Simona Degiacomi, Felix Schlatter e Susi Wiprächtiger.
Finamira saja tenor Schwarzenbach da far squitsch per che la vischnanca politica badia ch'in kino è giavischà a San Murezzan. Quai duai grategiar cun avair uschè blers commembers sco pussaivel. Entant èn quai passa 30 al mument.
Ramassar suttascripziuns
A la festa da vischnanca da San Murezzan ils 19 d’avust 2016 veglian ils responsabels persvader ulteriurs commembers.
L'emprima seduta da la societad ha schon gì lieu ed i vegn ad esser stà l'emprima da bleras uschè Schwarzenbach envers Radiotelevisiun Svizra Rumantscha. En in'emna numnadamain gia la proxima. I fa prescha da chattar ina soluziun temporara. Per quai tschertga la societad uss localitads che pudessan esser adattadas per in kino provisoric a San Murezzan.
Sche nus essan betg memia pretensius egl realistic d'avair bainbaud puspè in kino. Finamira da speranza fiss fin Nadal.
Il kino da San Murezzan ha gì da serrar sias portas, causa ch’ils proprietaris da l’edifizi han demissiunà il contract. Actualmain na datti nagina alternativa. Il proxim ed unic kino en Engiadina, è il Cinema Rex a Puntraschigna.