Siglir tar il cuntegn

Header

video
La biosfera Val Müstair dastga salvar label da l'UNESCO
Or da Telesguard dals 14.06.2017.
laschar ir. Durada: 3 minutas 33 Secundas.
cuntegn

Engiadina Finalmain salvà – il Reservat da Biosfera ha il label d'Unesco

L'Unesco ha decidì il mardi a Paris, ch'il Reservat da Biosfera Engiadina Val Müstair survegn definitivamain il label d'Unesco. Enfin uss aveva il Reservat da Biosfera il label cun la cundiziun da stuvair etablir anc ina zona da tgira enturn il Parc Naziunal.

audio
Il label d'Unesco resta!
ord Actualitad dals 14.06.2017.
laschar ir. Durada: 1 minuta 9 Secundas.

L'Unesco ha decidì mardi saira a Paris, ch'il label d'Unesco resta tar il Reservat da Biosfera Engiadina Val Müstair. Quai definitivamain.

Enfin ussa aveva il Reservat da Biosfera il label be cun la cundiziun da stuair etablir anc ina zona da tgira enturn il Parc Naziunal. Quai n'era betg gartegià causa che Zernez e S-chanf avevan ditg na a la zona da tgira sin lur territoris.

In grond di per tut ils partenaris

audio
Saira: Biosfera Val Müstair ha uss il label da l'UNESCO
ord Actualitad dals 14.06.2017.
laschar ir. Durada: 3 minutas 47 Secundas.

Ils trais partenaris actuals dal Reservat da Biosfera Engiadina Val Müstair, il Parc Naziunal Svizzer, il parc da natira Biosfera Val Müstair e Scuol, han dentant pudì realisar passa 2/3 da la zonda da tgira enturn il Parc Naziunal. Quai ha persvadì ils experts a Paris.

Per la manadra dal Reservat da Biosfera Engiadina Val Müstair, Angelika Abderhalden, pissera la decisiun da Paris per in grond di per il reservat da Biosfera. Ella na vess betg spetgà ina decisiun uschia positiva e senza novas cundiziuns ha ditg Abderhalden envers Radiotelevisiun Svizra Rumantscha RTR.

Uss possian ils trais partenaris regiunals dal reservat sviluppar vinavant quel cun la garanzia dal label d'Unesco.

Las zonas novas necessarias per survegnir il label da l'UNESCO.
Legenda: Las zonas novas necessarias per survegnir il label da l'UNESCO. Grafica RTR

RR novitads 12:00

Artitgels legids il pli savens