Engiadina - Flüela – donn total tras frain surstgaudà
Gist sur Susch ha in auto-rulotta subì in donn total pervi ch’ils frains han desditg suenter il viadi giu dal pass. I ha dat duas collisiuns, ma nagins blessads.
Legenda:
Qua han desditg ils frains -
e davent da questa storta è il vehichel da 6 tonnas rivà anc 200 meters giu per la via.
PoCha
L’automobilist da 56 onns era per far ina storta gist sur la vischnanca da Susch ch’ils frains da l’auto-rulotta han desditg.
Il vehichel da 6 tonnas è rivà da tschella vart da la via en per la saiv da segirezza, n’ha betg sa fermà ed è capità anc 200 meters giu vers la proxima storta.
Là ha il manischunz manevrà l’auto-rulotta envers la vart da la muntogna, nua ch’il vehichel è sa fermà tranter grip e mir da sustegn – senza che las persunas lien èn sa blessadas.
Il traffic ha pudì vegnir svià suenter 10 minutas sin in vial.
