Sitgas, crappusas e suleglivas èn las costas enturn la ruina da Tschanüff en vischinanza da la fracziun da Ramosch. Vegn vitiers che Ramosch è in dals lieus cun la pli pauca plievgia en Svizra.
La Iris Squalens
La botanicra Constanze Conradin da Ramosch enconuscha tut las plantas raras. Ina da quellas è la «schmutzig gelbe Schwertlilie». Quella datti sulettamain qua. Ella suppona che questa planta è vegnida nà qua dal temp cura ch'il chastè era anc abità. Il chastè è vegnì construì l'onn 1256.
La Tastgetta Pitschna
Sin tudestg la «Armblütige Salzkresse». Be en quatter lieus en Engiadina han ins chattà stizs da quella. Questa flur crescha oravant tut en lieus sumbrivants e protegids da la miraglia da la ruina.
Constanze Conradin è ina botanicra da Ramosch. Per ella è quest lieu dal tuttafatg spezial – in lieu nua ch'ella sa ferma adina puspè per vesair las bellas raritads. Cun sia firma la «Botanik Exkursionen» vul ella perquai organisar en l'avegnir era in'excursiun enturn la ruina Tschanüff.
RR actualitad 12:00
- Dapli dal project «Missiun B».
- Registrai Vossa surfatscha biodiversa sin missiunb.ch.
- As participai a nossa gruppa sin Facebook.