Siglir tar il cuntegn

Header

cuntegn

Engiadina Forza electrica na renda betg

Las Ouvras Electricas d'Engiadina OEE han salvà lur radunanza d'acziunaris.

Las Ouvras electricas d'Engiadina OEE han lavurà bain. Durant l'onn da gestiun 2014/2015 han las OEE producì 1521 miliuns uras kilowatt forza electrica, ina producziun extraordinaria. Quai ha ditg Martin Schmid, il president dal cussegl administrativ da las OEE a la radunanza d'acziunaris a Scuol. Gronds guadagns per quell'energia ch'ins savess vender sin il martgà na resultan dentant betg. Ozendi n'èsi numnadamain betg pussaivel da vender la forza electrica cun profit. Ils custs da producziun èn 4.4 raps per ura kilowatt, sin il martgà pon ins actualmain vender la forza per damain che 3 raps per ura kilowatt. Perquai han las OEE reducì tut las lavurs da revisiun sin quai che è necessari. Il chantun Grischun e las vischnancas concessiunarias han dentant survegnì fits d'aua da radund 20 miliuns francs era per l'onn da gestiun 2014/2015.

Artitgels legids il pli savens