Forza per 1'000 chasadas en Engiadina

L’ovra electrica Morteratsch exista dapi l’onn 1891. Ussa è quella vegnida renovada, cun dubla prestaziun.

Ina chasa moderna in lain e betun, il nov implant electric a Morteratsch. Bild in Lightbox öffnen.

Legenda da maletgs: Ina chasa moderna da lain e betun, il nov implant electric a Morteratsch. RTR, Georg Luzzi

Forza electrica per 1000 chasas d’ina famiglia producescha la nova ovra electrica a Morteratsch, en possess da la firma Repower.

Ovra electrica dal 1891

Avant 130 onns han hoteliers da Puntraschigna prendì l’iniziativa da fabritgar ina da las emprimas ovras idraulics en Grischun. Els vulevan avair glisch en lur hotels nobels.

La nova ovra electrica Morteratsch

La nov’ovra electrica ha custà radund 10 milliuns francs. Tar la fabrica han ins resguardà tut ils criteris pussaivels per betg metter en malura la natira che sa chatta èn l'inventari federal da las cuntradas d’impurtanza naziunala (BLN).
Ella producescha 7.0 (Gwh) gigawatt forza en in onn. Quai tanscha per 1'600 chasadas. Per realisar questa producziun ston arrivar 1'500 liters/secunda sin la turbina, vul dir 7 bogneras. L’ovra electrica Morteratsch è en possess da l’ovra electrica Morteratsch SA e vegn gestiunada da la Repower SA.

RR actualitad 08:00