Fossas per il di da las olmas

Per las regiuns catolicas èn Numnasontga ed il Di da las olmas dis da festa. A Müstair prepar’ins las fossas spezialmain per quests dis.

Laschar ir video «Fossas per "Domisonch" a Müstair»

Fossas per "Domisonch" a Müstair

2:08 min, Actualitad video dals 1.11.2017

L’enviern stat davant porta e la vegetaziun piglia planet cumià. Quai vala era per la vegetaziun che embellescha numerusas fossas. Savens mid’ins la decoraziun cura che las fluras èn passidas cun ina decoraziun adattada per l’enviern. Quai succeda era a Müstair nua ch'è sa sviluppada ina tradiziun da decorar las fossas en furma in pau speciala, en furma quasi artistica.

Messa ecumena a Cuira, Fürstenwald

En la chapitala grischuna na datti betg mo la truscha gronda cun traffic e blers che vegnan a far cumpras e spassegiadas. En la baselgia dal santeri Fürstenwald hai dà oz ina messa ecumena nua ch'il firà vegn celebrà tenor sia muntada religiusa, la commemoraziun dals morts.