L’emprima dumengia dal White Turf 2022 stat in giubileum sin il program. Franco Moro absolva numnadamain sia 100avla cursa da skijöring. Ina cursa nua che skiunz e skiunzas sa laschan trair d’in chaval.
Quai è fitg spezial per mai. Quai n’hai anc mai dà e sin quai sun jau superbi.
Fascinaziun da pitschen ensi
Franco Moro è creschì si sin ina vituraria ed ha pia gia adina gì contact cun chavals. Il ristg e l’exclusivitad dal skijöring a San Murezzan fascineschan l’um da San Murezzan. Sulettamain sin il lai schelà en l’Engiadin’Ota datti numnadamain cursas da skijöring mo cun il skiunz davos il chaval, senza chavaltgader.
La finamira da la 100avla cursa da l’um da 60 onns è cleramain da gudagnar quella.