Davent dals onns 1935 enfin enturn l’onn 1980 devi gia in lai da nudar en quel lieu. Quella giada oravant tut per las scolaras dal «Höheres Töchterinstitut Ftan», oz Institut Otalpin che sa chatta en vischinanza.
La «Pro Ftan», responsabla per il turissem en la fracziun da Ftan ha piglià l’iniziativa. Cun agid d’in Crowdfunding e cun agid da Scuol han els ramassà ils 360’000 francs necessaris per realisar danovamain in lai da nudar.
Ils recurrents han retratg ils recurs
L’onn passà avevan tschintg recurs franà il project. Canera e bler trafic eran ils arguments per ils recurs. Ils iniziants han però pudì persvader quellas persunas da retrair ils recurs.
Avertura dal 2019
Realisà vegn in lai natiral cun plantas che nettegian l’aua, ina chamona per sa midar, bancs per seser, ina tualetta sco era in fuclar. L’avertura è previsa per la stad 2019.
RR novitads 06:00