Siglir tar il cuntegn
Inhalt

Engiadina Ftan: Novas sfidas per ils mountainbikers

Cun approvar la revisiun parziala da la planisaziun locala da la vischnanca da Scuol, ha la regenza er dà glisch verda per render pli attractiva la regiun per mountainbikers. Quai resorta da la communicaziun a las medias.

Vista da surengiu cun regiun cunfinada dal Skillpark.
Legenda: En la regiun cunfinada cun cotschensi sur la fracziun da Ftan duai vegnir realisà il «Skillpark». mad

Concret vai per Ftan: Tras il gea da la regenza a la revisiun parziala da la planisaziun locala sa vegnir engrondida là la purschida per ils mountainbikers. En il guaud sur l’Institut autalpin duai dar in center da mountainbikes, il link avra en ina nova fanestra cun in «Skillpark». Per quel èn previs set trajects cun differentas difficultads, sumegliant a las pistas da skis, cun trajects levs, mez grevs e grevs, quai en la regiun tranter l’Institut Otalpin ed il lai da peschs.

Davent da la Pendiculara Motta Naluns Scuol-Ftan-Sent duajan manar differentas rutas tar il parc planisà.

La revisiun parziala, che la regenza ha approvà uss e che pussibilitescha dad engrondir la purschida per mountainbikers, era vegnida approvada, il link avra en ina nova fanestra ils 21 da matg 2017 dal suveran da Scuol.

RR novitads 12:00