Fundà nova societad «Pro Institut Otalpin Ftan»

Ina gruppaziun da geniturs e simpatisants da la scola a Ftan ha fundà ils 14 d’avust la nova societad. Quella duai gidar a mantegnair e promover l’Institut Otalpin Ftan sco instituziun da scolaziun e da promoziun da sport, sco er da la lingua rumantscha en in intschess rumantsch.

Institut Otalpin Ftan. Bild in Lightbox öffnen.

Legenda da maletgs: La gruppaziun da geniturs vul er s'engaschar vinavant per il IOF. RTR/A. Caprez

Il comité d’iniziativa «Salvain l’Institut Otalpin Ftan – IOF» aveva ramassà entaifer stgars 2 emnas 1'505 suttascripziuns per mantegnair il IOF, ed ha tras quai stgaffì la basa per la cuntinuaziun da la scola.

La radunanza da fundaziun ha elegì Barbla Conrad da Scuol sco presidenta. En suprastanza piglian sez Seraina Felix da Sent, Ruedi Haller dad Ardez, Verena Nold da Hausen ed Aita Zanetti da Sent.

La nova societad «Pro Institut Otalpin Ftan» sa finanziescha tras contribuziuns da commembers, fauturs e sponsurs sco er tras entradas d’atgnas occurrenzas, scriva la societad en ina communicaziun da medias. Cun ina commembranza en la societad pon ins uss er sustegnair la scola finanzialmain.