Siglir tar il cuntegn

Header

cuntegn

Fundament per il futur Charta plazza aviatica a Samedan

Co duai il futur da la plazza aviatica a Samedan guardar or? La populaziun da la regiun ha pudì prender posiziun en chaussa. La dumengia è il termin per collavurar tar la charta da la plazza aviatica a Samedan scadì.

Tar il biro da la Regiun Malögia sajan vegnidas inoltradas pliras propostas. Tranter auter ina charta cumplettamain nova sco er 18 propostas per la cumissiun da l'eroport. Quel han era pliras organisaziuns d'ambient suttascrit, sco la Südostschweiz scriva.

Il punct da critica principal saja la persistenza che na vegnia betg resguardada avunda. Las propostas inoltradas vegnan uss analisadas ed elavuradas dals auturs da la charta e lura deliberads ils 3 da december da la conferenza da la plazza aviatica.

«Charta» per definir futur da la plazza aviatica

La «Conferenza plazza aviatica regiunala» aveva elavurà ina «charta» per definir la funcziun, las finamiras e visiuns da la plazza aviatica. Ins ha vulì integrar la populaziun en la discussiun da la charta. Ins spera uss che las propostas vegnian risguardadas. I saja impurtant ch'ils giavischs da la populaziun da l'Engiadin'Ota vegnian risguardads. La populaziun da la regiun Malögia ha pudì prender posiziun fin ils 14 da november.

Ord l'archiv

Dus onns retard e radund quatter giadas pli char.

video
Retard tar la renovaziun plazza aviatica da Samedan
Or da Telesguard dals 14.06.2021.
abspielen. Laufzeit 2 minutas 47 Sekunden.

RTR novitads 06:00

Artitgels legids il pli savens

Scrollar a sanestra Scrollar a dretga