La scriptura da Schlarigna Romana Ganzoni survegn il premi da cultura da la fundaziun per sia lavur sco scriptura independenta. Madlaina Lys survegn il premi per sia lavur sco ortulana e sias ovras da cheramica, Flurin Bischoff per las lavurs multifaras sco dissegnader, pictur, sculptur ed ortulan. Il pèr Madlaina Lys e Flurin Bischoff, che stattan a Lavin, maina dapi decennis in’orticultura nua che l’art e la flora sa cumpletteschan.
La fundaziun Georg Aliesch-Davaz è vegnida fundada l’onn 2005. La famiglia Aliesch-Davaz ha surdà il possess da sia vart ad ina fundaziun che ha l’intent da sustegnair persunas che lavuran sin il champ cultural en il Grischun. Il premi da 20'000 francs per Ganzoni e Lys-Bischoff è vegnì surdà a Lavin.