Siglir tar il cuntegn

Header

video
Per il center Nairs tanschì anc fin la stad
Or da Telesguard dals 22.03.2021.
laschar ir. Durada: 3 minutas 26 Secundas.
cuntegn

Fundaziun Nairs Las finanzas fan quitads

La campagna da crowdfunding ha gì success – ma quai n'è betg la soluziun a lunga vista.

Las entradas èn crudadas ensemen cumplettamain ed er las stentas per survegnir sustegn finanzial han gì pauc success. La Fundaziun Nairs ha perquai lantschà ina campagna da «crowdfunding». Quella ha gì success, 90’000 francs han els ussa a disposiziun per sustegnair la chasa dals artists. Quai è la part «Art in Residence», nua che artistas ed artists han la pussaivladad sur in pèr emnas u mais da suandar a lur projects artistics.

audio
Las finanzas fan quitads a la Fundaziun Nairs
ord Actualitad dals 22.03.2021.
laschar ir. Durada: 3 minutas 23 Secundas.

La situaziun finanziala è precara

Ma era en general ha la Fundaziun Nairs, tenor infurmaziuns da la directura Cornelia Schwab da cumbatter permanent cun la sfida finanziala. Entradas tras concerts u vernissaschas ed autras occurrenzas en la chasa d’art a Nairs èn crudadas cumplettamain en l’aua.

Cornelia Schwab è persvadida che Nairs vegn a chattar soluziuns per l'avegnir: Ma las stentas sajan enormas – e senza sustegn da vischnanca, chantun ed auters partenaris vegnia quai ad esser difficil en l'avegnir.

RTR actualitad 12:00

Artitgels legids il pli savens