Siglir tar il cuntegn
cuntegn

Engiadina Fundaziun Nairs survegn tuttina sustegn da Scuol

La radunanza communala da Scuol ha decis da star garant envers la Fundaziun Nairs

L'entrada dal center da cultura Nairs
Legenda: L'entrada dal center da cultura Nairs RTR, Georg Luzzi

Cun 57 encunter 23 vuschs ha decis la radunanza communala da Scuol ier saira da star garant per in import da 190’000 francs.

En ils davos onns ha la Fundaziun Nairs fatg investiziuns da radund 4.2 milliuns francs en il center da cultura Nairs. Ussa prevesa la Fundaziun d’auzar l'ipoteca da la banca per il surmenziunà import. Els retschaivan quel import mo sch'il vitg dat ina garanzia per quest import. La radunanza communala ha laschà votar a scrit, bunamain dus terzs dals preschents han consentì la dumonda da la Fundaziun Nairs

Gia il 2017 aveva la Fundaziun Nairs inoltrà ina tala dumonda, quella giada cun in import da 350’000 francs. Cun 93 encunter 68 vuschs aveva la radunanza communala sbittà la dumonda.

RR novitads 15:00