Siglir tar il cuntegn

Header

cuntegn

Fundaziun porscha sustegn La butia a Ramosch resta averta

La fundaziun Vnà ha envidà a la populaziun ad ina radunanza per fundar ina societad purtadra per la butia dal vitg. In quella radunanza han ils preschents decis da sa participar mintgin cun 200 francs l’onn vid la nova butia. Cun quel import prevesan ins da pajar il fit per las localitads.

La gestiun vegn manada ad agens custs. La nova manadra, Wanda Hopmann da Ramosch, prevesa d’avrir la nova butia tranter la mesadad d’avrigl e l'entschatta da matg.

Radunanza a Ramosch
Legenda: L'interess per la fundaziun è sta grond. RTR, Georg Luzzi

La posta resta enavant a Ramosch

Tenor infurmaziuns da Wanda Hopmann resta l'uffizi da posta vinavant en butia. La posta sez aveva l'onn passà communitgà da betg cuntinuar cun in uffizi da posta a Ramosch.

Ils possessurs da la butia da fin qua han manà quella durant 35 onns. Per la fin da l'onn avevan els annunzià da vulair serrar la butia. La fundaziun Vnà e vegnida activa, ha distribuì in questiunari ed evaluà l’interess. Passa 100 persunas avevan s’annunziadas.

Uss resta la butia a Ramosch finalmain averta era en avegnir.

RTR novitads 06:00

Dapli da Engiadinaavrir la Landingpage

Nach links scrollen Nach rechts scrollen