Fundaziun sco nova purtadra da l’ospital e chasa da tgira

La cumissiun ospital e chasa da tgira propona ina fundaziun sco nova purtadra. Per l'ospital na para quai betg d'esser dispitaivel. La situaziun cun la chasa da tgira dentant è pli difficila, damai ch'igl n'è betg conuschent co vinavant sin il sectur da la tgira, cun ina u cun duas chasas da tgira.

ospital Bild in Lightbox öffnen.

Legenda da maletgs: La proposta per ina nova structura per l'ospital e chasa da tgira è sin maisa RTR/ D.Spinnler

Per la cumissiun ospital e chasa da tgira è il mument impurtant, che la gestiun da l'ospital e la chasa da tgira existenta Promulins funcziuna era a partir dal 1. da schaner 2018. Il mument vegnan quests dus manaschis manads ensemen.

Finamira da la cumissiun è che quai fiss era pussaivel en l'avegnir. Il cumenzament vegn quai segir ad esser il cas, numnadamain fin ch'il project d'ina chasa da tgira a San Murezzan è realisà.

Duas fundaziuns sco soluziun

Per eventualmain pudair separar pli tard la gestiun ospital e chasa da tgira, propona la cumissiun da far duas societads, ina per l'ospital ed ina per la chasa da tgira. Mabain mo per l'infrastructura duai dar duas societads, per la gestiun resta entant vinavant ina.

Decisiun ils 7 da fanadur - era davart la plazza aviatica

La conferenza dals presidents vegn a decider ils 7 da fanadur schebain ella accepta la proposta da la cumissiun ospital e chasa da tgira. E plinavant decida ella lura era davart la nova structura per la plazza aviatica. Qua duain las structuras vegnir mantegnidas e surdadas a las vischnancas. Questas elavurassan ina basa da lescha per la participaziun da las vischnancas a la plazza aviatica a Samedan.