Ils onns 90 aveva la famiglia Giacometti da Lavin laschà renovar quest furn ed era activà el, ma lura durant divers onns betg pli duvrà el. Il spezial vid la chasa da furn: Mintga paun è auter – l’in pli cler e l’auter pli stgir.
Dapi radund trais mais stat Arthur Thoma si regularmain a las duas la notg per far fieu en il furn vegl. Per far il paun a la veglia sto il furn avair ina temperatura da radund 250 grads. Entant fa el radund 50 pauns, ma sche la dumonda crescha lura èsi pussaivel da far enfin 3 giadas dapli. Sper il paun fa el era pizza.
Ritg na vegn ins betg cun far paun a la moda veglia, ma per Arthur Thoma è quai passiun e fascinaziun per la lavur sco furner. Ultra da quai vul el mussar a la populaziun co che paun vegniva fatg avant decennis.