Fusiun Engiadin’Ota: «Il temp n'è betg madir»

Questa gievgia ha lieu la seduta dal cussegl cumön d’Engiadin’Ota. La missiva per mauns da la votaziun duess vegnir surlavurada. Part da la discussiun pudess era far ina charta da la suprastanza dal cussegl cirquital. Questa na vul uss betg pli la votaziun dals 18 d'october.

Engiadin'Ota Bild in Lightbox öffnen.

Legenda da maletgs: Co vinavant cun las structuras politicas da l'Engiadin'Ota? Quai è ina dumonda savens discutada. RTR, A. Caprez

La votaziun na fetschia betg senn, ha ditg il landamma Gian Duri Ratti. Independent dals resultats èn las 2 dumondas suttamessas – a mida betg insatge. Il cussegl cumön na dastga numnadamain betg pli surpigliar incumbensas suenter ils 1 schaner 2016. La va en vigur la refurma dal territori. Il cussegl cumön n'avess perquai nagina cumpetenza da persequitar vinavant ideas concretas per ina fusiun da las 11 vischnancas d’Engiadin’Ota, uschia il landamma Gian Duri Ratti. Els fan perquai la supplica da laschar per bun l’iniziativa.

«Na betg per evitar votaziun, mabain per mussar si las consequenzas»

Sch’ils cussegliers vulan la votaziun, lura vegnia questa fatga. La suprastanza haja betg fatg ina proposta, di Ratti, ella veglia sulettamain far attent sin las consequenzas. Las consequenzas che la decisiun a la seduta dals 2 da fanadur ha. La han ils cussegliers approvà la proposta da la PLD, entagl da seguir a quella da la suprastanza. Entant che la suprastanza vuleva metter en la constituziun l’incumbensa da persequitar ideas d’ina fusiun, vul la proposta da la PLD sulettamain, ch'il cussegl cumön elavuria ina basa d’interess e discussiun.

Tenor Ratti na saja quai alura dentant betg pussaivel da dar enavant quai per mauns da la populaziun. Ergo sa mida nagut, uschia Ratti.

Gian Duri Ratti interpretescha tut las discussiuns enturn ina fusiun pussaivla, senza resultats a la fin sco segn ch'il temp n è anc betg madirs per discutar profundamain davart il tema e da finalmain far la dumonda da principi a la populaziun, co ch’ella vesia ina fusiun da las 11 vischnancas en Engiadin’Ota.

Las reacziuns da la PLD e PPS