Siglir tar il cuntegn

Header

schweizerhof vulpera
Legenda: Co vinavant suenter la stagiun d'enviern cura ch'il Schweizerhof a Vulpera è avert? RTR, D. Spinnler
cuntegn

Engiadina Futur anc intschert per il Robinson Club Schweizerhof a Vulpera

Tenor la societad possessura Ollandaisa, la LMEY Investments, sajan els vidlonder da tschertgar novs gestiunaris per l'hotel. Interessents valaivels sajan avant maun, anc è dentant nagut concret. Era n’excludan ils possessurs betg ch’il contract cun Robinson pudess vegnir prolungà.

In'offerta da vart Robinson n’hajan ins anc betg survegnì, ha ditg la pledadra da la LMEY, Britta Kaula, envers Radiotelevisiun Svizra Rumantscha.

Da vart da Robinson hai dentant num ch'ins saja en tractativas cun ils possessurs ed interessà vi d'ina soluziun.

Las pendicularas Motta Naluns da lur vart n’èn entant betg pli en contact cun Robinson, sco quai ch’il president dal cussegl administrativ, Andri Lansel, ha ditg. Ina soluziun cuminaivla da quests dus partenaris n’è cunquai actualmain nagin tema.

La pendicularas han entant gia adattà il plan da finanzas a lunga vista, quai cun vista al fatg che la gestiun dal Schweizerhof na va betg vinavant uschè spert.

Fin uss n’èsi pia anc betg cler, co quai va vinavant cun l’hotel.

Artitgels legids il pli savens

Scrollar a sanestra Scrollar a dretga