Tut ha entschet là nua ch'el sa chatta oz. Riet Bulfoni ha fatg il giarsunadi tar la garascha Denoth a Scuol. Sa scolà enavant, sa participà als Swiss Skills ed era als World Skills ad Abu Dabi, quai èn campiunadis svizzers e mundials da professiun.
Suenter ha el lavurà sco diagnosticher d’automobils tar «Ferrari». Sco responsabel per in auto da cursa ha Riet Bulfoni pudì viver ses siemi. Durant 4 onns è el viagià per quella marca tras tut l’Europa.
audio
Riet Bulfoni surpiglia suenter lavur tar Ferrari ina garascha a Scuol
ord Actualitad dals 04.01.2023.
Maletg: RTR
laschar ir. Durada: 2 minutas 48 Secundas.
Turnà a chasa per surpigliar ina garascha
Il rintg sa serra, Riet Bulfoni ha cumprà la tradiziunala garascha da Flurin Denoth a Scuol. En quella garascha ha el fatg il giarsunadi.
Jau m’enriclel betg, igl è stada ina experientscha unica da lavurar tar Ferrari – ma ussa hai jau chattà ina sfida per la vita en mia patria.
Dapi il prim da schaner 2023 maina el ils 15 collavuraturs.