Cun 60 scolars externs pudess ins tenor il quint da la gruppaziun da geniturs ramassar passa 300’000 francs.
«L’eco da nossa acziun è fitg surprendent», declera Barbla Conrad, ina da las iniziantas ad RTR. Uschia sajan gia vegnids ensemen entaifer 24 uras passa 110’000 francs. «A la gruppa da geniturs èsi conscienta che quella summa na basta betg anc, dentant na vulain nus betg acceptar la situaziun senza avair cumbattì per la scola media en Engiadina Bassa.» Quella saja memia impurtanta per simplamain laschar serrar ella.
Bilantscha en bun in emna
En bun in’emna vul la gruppaziun far bilantscha davart lur acziun. Memia lung na vulan els dentant betg spetgar, cunquai ch’ils geniturs han finalmain er da chattar ina plazza da scola per lur uffants. La gruppa è er preschenta durant la festa dal stradun a Scuol damaun sonda.
RR novitads 17:00