Siglir tar il cuntegn

Header

Gerhard Walter, a partir dal matg 2017 il nov schef da la Engiadina San Murezzan Turissem SA.
Legenda: Gerhard Walter, a partir dal matg 2017 il nov schef da la Engiadina San Murezzan Turissem SA. MAD
cuntegn

Engiadina Gerhard Walter, nov schef da Engiadina San Murezzan Turissem

La Engiadina San Murezzan Turissem SA ha elegì Gerhard Walter sco successur da Ariane Ehrat. L'Austriac da 52 onns daventa uschia il nov CEO da l'organisaziun da turissem da l'Engiadin'Ota. El surpiglia l'uffzi il prim da matg 2017.

Gerhard Walter (annada 1964) lavuria dapi blers onns en la branscha da turissem, scriva l’organisaziun da turissem da l'Engiadin'Ota. Tranter auter è el stà schef da Lech-Zürs Turissem e da l’Associaziun Turissem GmbH a Vienna. Ils ultims quatter onns haja el manà l'organisaziun da turissem da Kitzbühel.

Gerhard Walter ch'è oriund da Galtür surpiglia l'uffizi da Ariane Ehrat il prim da matg 2017.

Plinavant ha il cussegl d’administraziun confermà ils dus commembers da la direcziun da fin qua, Stefan Sieber e Roberto Rivola.

RR novitads 15:00