Las ovras electricas d'Engiadina SA survegnan l'auter onn in nov schef. Sco il cussegl d'administraziun da l'interpresa scriva, surpiglia Giacum Krüger da Malögia a partir dal schaner 2023 il timun. El suonda a Michael Roth che banduna l'interpresa la fin da zercladur. Ad interim surpiglia Oliver Dürig, il schef da finanzas, las fatschentas.
Giacum Krüger ha 40 onns, è electroinschigner diplomà ed haja gia bleras experientschas en sia professiun, sco era en la direcziun. Actualmain lavura el per «Boess Ingenieure» sco manader dal Grischun e dal Tessin. En quella funcziun lavura el tranter auter per pliras ovras electricas.
audio
Giacum Krüger sa legra sin ses nov post
ord RTR Audio dals 27.06.2022.
laschar ir. Durada: 21 Secundas.