Gian Duri Ratti – il nov president da la plaiv d’Engiadin’Ota

La nova plaiv en l’Engiadin’Ota s’ha constituida. Il suveran aveva decis questa primavaira da fusiunar las otg plaivs da l’Engiadin’Ota ad ina. Il model nov vala a partir dal emprim da schaner 2017.

Gian Duri Ratti il nov president da la plaiv d’Engiadin’Ota. Bild in Lightbox öffnen.

Legenda da maletgs: Gian Duri Ratti, il nov president da la plaiv d’Engiadin’Ota. RTR

A la da conferenza dals otg presidents da las plaivs evangelicas d’Engiadin’Ota èn stadas las elecziuns. Sco president è vegnì elegì unanimamain Gian Duri Ratti, president dal circul ed anteriur president communal da Madulain.

Ils commembers da suprastanza elegids da las singulas plaivs:

  • Marcus Schnizler, Schlarigna
  • Miranda Küng-Nunzi, Las Agnas
  • Lorenz Lehner, Puntraschigna
  • Kurt Fischer, Samedan
  • Gian Duri Ratti, S-chanf e Zuoz-Madulain
  • Gian Clalüna, Segl-Silvaplana-Champfèr
  • Marius Hauenstein, San Murezzan

Ils 29 november 2016 vegn ad esser la radunanza constitutiva en la quala la nova plaiv ha d’eleger anc la cumissiun d’examinaziun. Per il emprim da schaner 2017 vegn la plaiv nova a remplazzar il model actual cun las plaivs singulas.