Far activamain sport, quai è circa l’unic punct nua che las duas partidas (Silva Semadeni, Peter Peyer adversaris e Duri Campell, Michael Pfäffli sco aderents) èn da la medem'idea.
Entant ch'ils aderents èn persvas che gieus olimpics dattan economicamain e turisticamain nov schlantsch, èn ils adversaris da l’avis che gieus olimpics procuran sulettamain per debits al chantun. Per els è il comité olimpic internaziunal (IOC) ina societad corrupta.
Dasper ils politichers versads han era dus giuvens gì la pussaivladad da prender posiziun. Janick Walther da Puntraschigna, che fa activamain sport, è persvas che gieus olimpics han in effect positiv per promover il sport tar la generaziun giuvna. Fabian Camenisch, student da Cuira, è da l'avis che tals events chaschunan ina fora finanziala per il chantun e per la Confederaziun. Ils giuvens politichers han sa dustà cun success, il public ha gì plaschair da lur engaschament.
Schebain ils gieus olimpics han ina schanza u betg, quai stat anc en las stailas. Il proxim pass èn las votaziuns dals 12 da favrer 2017.
-
Bild 1 von 3. Radund 300 persunas han tadlà en il Rondo a Puntraschigna las posiziuns dals politichers. Bildquelle: RTR, Georg Luzzi.
-
Bild 2 von 3. Ils participants al podium:. da san. Peter Peyer, Silvia Semadeni, Reto Stifel e David Spinnler (moderaturs), Duri Campell e Michael Pfäffli. Bildquelle: RTR, Georg Luzzi.
-
Bild 3 von 3. Ils participants al podium:. da san. Fabian Camenisch, Peter Peyer, Silvia Semadeni, Reto Stifel e David Spinnler (moderaturs), Janick Walther, Duri Campell e Michael Pfäffli. Bildquelle: RTR, Georg Luzzi.
RR actualitad 07:00