Il girun enconuschan ins surtut sco utschè da rapina. Ma a Tschlin na discurr'ins betg d’in utschè. Là è manegià Geyer, Florian Geyer cun sia nova bieraria la «Alpenbrauerei Girun».
Il Tudestg Florian Geyer viva gia dapi onns a Tschlin. Cun sfegliar en il vocabulari in pled è el rivà sin il pled «girun» (Geier). Quai ha plaschì ad el uschè bain, ch’el e sia dunna han decis da dar a la nova biararia il num «Alpenbrauerei Girun».
A Tschlin avra ina nova bieraria «Girun». Ina bieraria speziala e transparenta che cumpiglia la bieraria, in restorant, ina butia ed in local d'exposiziun. En quel han giasts che rivan sisum la fracziun da Tschlin la pussaivladad da guardar al bierer sur la spatla or e vesair, co che la biera vegn producida.
150 hectoliters biera prevesa il bierer Geyer da producir l'emprim onn. Ina biera tradiziunala clera, ina biera da furment ed ina biera ferma «Indian Pale Ale».
Ambiziuns internaziunalas
En prima lingia vul il bierer Florian Geyer vender sia biera en la regiun. Ma fin tar il cunfin cun l’Austria e cun l’Italia mancan paucs kilometers. Perquai prevesa el da chattar interessents era ordaifer il pajais.
audio
Saira: avertura nova bieraria a Tschlin
03:02 min, ord Actualitad dals 26.05.2017.
laschar ir. Durada: 3 minutas 2 Secundas.
1 / 4
Legenda:
La bieraria cun vista fenomenala sin las muntognas da l’Engiadina Bassa.
RTR, Dario Müller
2 / 4
Legenda:
Il local da gastronomia è exsposiziun da la bieraria Girun
RTR, Georg Luzzi
3 / 4
Legenda:
L'indriz per serrar las buttiglias.
RTR, Georg Luzzi
4 / 4
Legenda:
Ils tancs giu en il tschaler da la bieraria
RTR, Georg Luzzi
