Siglir tar il cuntegn

Header

cuntegn

Engiadina Giubileum «100 onns Lia Rumantscha» è a Zuoz

Or da las 13 candidaturas ha la suprastanza da la Lia Rumantscha tschernì Zuoz sco lieu da las festivitads dal giubileum «100 onns Lia Rumantscha». Quai ha la Lia Rumantscha communitgà.

Sco raschun daco che la suprastanza da la Lia Rumantscha ha tschernì Zuoz sco lieu ospitant, numna ella en la communicaziun il bel caracter da vitg enturn il «Plaz». Plinavant saja il rumantsch periclità en l'Engiadin'Ota. A Zuoz reusseschia dentant da mantegnair il rumantsch, e quai malgrà l'influenza d'autras linguas e dal turissem.

Las festivitads èn dal prim fin ils 18 d'avust 2019. A partir dal fanadur datti occurenzas inizialas en las regiuns rumantschas, en la regiun da Cuira ed ordaifer il Grischun.

13 candidaturas

Sper Zuoz èn 12 autras vischnancas s'annunziadas sco lieu ospitant: Alvra, Bever, Domat, Glion, Lantsch, Mustér, Puntraschigna, Samedan, Scuol, Trun, Tujetsch e Zernez.

RR novitads 06:00

Artitgels legids il pli savens